Со особено задовлство ви најавуваме дека на годинешното издание на „Здраво Млади“ визуелизациите ќе бидат приготвени од 3 интернационални VJ-и.
Станува збор за VJ vjunk и VJ Vidbeat од Турција и VJ Random Doctors од Финска со настап во живо!
Овие исклучителни креативци ќе направат престојното издание на фестивалот Здраво Млади да биде незаборавно видео искуство за публиката.
Воедно најавуваме и отворена бесплатна работилница на 16.05 во просториите на МКЦ.
Програмата на работилницата „Младите Виџеи“ ќе биде следнава:
- Вовед и основи во Vidvox/VDMX софтвер за видео миксање во живо.
- Сценографија и видео мапирање на 2D и 3D објекти (3D коцки, сферични објекти и др.) преку користење на Maxon Cinema 4D, Adobe Photoshop и Vidvox/VDMX.
- Креирање на 3D видеа преку користење на Adobe After Effects (3D очила)
- Излагање на предавачот за историјата на Виџејството и споделување на неговите идеи за сценографијата, како и Виџејството, како нова платформа во музичката индустрија. Исто така, примери за развојот на видео мапингот во музичката индустрија ширум светот.
Пријавувањата се вршат на:
marga@mkc.mk и бројот на учесници на работилницата е ограничен.
Random Doctors (Финска)
Random Doctors е VJ колектив од Хелсинки основан во 2004 година и е еден од најактивните VJ колективи од Финска. Нивните настапи во живо се карактеризираат како енергични и уникатни визуелни перформанси со комбинација од возбудливи импровизации и професионален призвук. Преку своите визуелни настапи во живо тие ја истражуваат длабочината на човековата потсвест, секојпат мотивирајќи ги диџеите и музичарите да се надминат себеси.
Преку настапи на големи фестивали, но и во мали алтернативни клубови и уметнички настани, Random Doctors остануваат верни на нивната мисија – да бидат дел од магичните моменти каде музиката, визуелизациите и публиката се претвораат во едно.
Random Doctors се едни од основачите на финската виџејска заедница VJFinland. Овој отворен форум е посветен на растечката финска виџејска култура и негова цел е да и помогне на локалната виџејска сцена преку поддршка и размена на знаење и искуство.
Vj Vidbeat (Турција)
T.Hüseyin KURU познат како “Vidbeat” роден на 15/09/1982 во Турција. Тој ја има започнато неговата музичка и видео кариера кога имал 17 години во Rio Negro - Argentina. Tој студирал Видео дизајн/Видео постпродукција на Galatasaray ITM Music and Visual Arts Academy. Додека бил студент на Galatasaray ITM тој има направено документарни филмови, кратки филмови, музички видеа, видео инсталации и монтирано кратки филмови за универзитетски проекти, артисти и музичари. Имал шанса да ја прикаже неговата работа на ТВ шоуа, интернет, видео магазини и универзитетски фестивали. Неговите првични влијанија биле од: Nam June Paik, Michel Gondry, Chris Cunnigham и Stanley Kubrick.
Почнува со виџејство во периодот кога бил оператор на светло во Club Indigo. Ги среќава Michael Parenti, Pascal Lescon и Todd Thille од Artificial Eyes. Зема учество во нивната VJ работилница и го подобрува неговиот стил. Од 2005та година, Vidbeat прави AV проекти, сценографија и живи VJ перформанси за различни диџеи, бендови и соло артисти. Исто така подготвува интерактвни дизајни и видео мапинг проекти за интернационални артисти и арт фестивали.
Vj Vidbeat има правено VJ перформанси и сценографии за артисти како: Paul Oakenfold, Sven Vath, Dj Yahel, Hans Peter, Lindstorm, Stephan Bodzin, Booka Shade, Anthony Rother...
VJ Vjunk (Турција)
Перформансот во живо на Burcu Gunduz е микс од нејзините слики, снимки и архивски стари снимки. Работи како Виџеј од 2005та година и имала можност да работи со Paul Oakenfold и Silicone Soul. Се приклучува исто така и на” Live Performers Meeting” во Рим, “Freemote” во Утрехт, “Scope Sessions” во Берлин и “Nodefest” во Истанбул. Го организира независниот Виџеј фестивал “Vj Fest İstanbul” 5 години по ред. Организира Виџеј работилници и предавања и држи предавања во врска со VJ уметноста. Таа е магистер по ликовна уметност со магистерска тема за клубската сцена и рејв културата во 90’тите.
http://vimeo.com/vjunk